Perezida wa Repubulika y'u Rwanda, Paul Kagame, mu ijoro ryo ku wa 12 kanama 2026, yitabiriye umukino wa UEFA Super Cup wabereye mu mugi wa Sulzburg muri Austria. uyu mukino wahuje amakipe abiri afitanye imikoranire n'igihugu cy'u Rwandanmuri gahunda ya Visit Rwandaariyo PSG yo mu Bufaransa, yatwaye UEFA Champions League, na Aston Villa yo mu Bwongereza , yatwaye UEFA Europa League ndetse ikaba ari umufatanyabikorwa mushya wa Visit Rwanda.
Ukwitabira kwa Perezida Kagame kuri uyu mukino kwagaragaje uburyo u Rwanda rukomeje gukoresha siporo nk'inzira yo kwamamaza ubukerarugendo, gushora imari no kumenyekanisha igihugu ku rwego mpuzamahanga.
Mu myaka ishize u Rwanda binyuze muri gahunda ya Visit Rwanda, rwagiranye amasezerano n'amakipe akomeye ku mugabane w'uburayi arimo PSG, Arsenal, Atretico de Madrid ndetse na Aston Villa iherutse kwiyongera kuri aya makipe muri nyakanga 2026. Aya masezerano ateganya kwamamaza u Rwanda binyuze ku myambaro Y'amakipe no mu bikorwa bitandukanye bifasha guteza imbere ubukerarugendo, siporo n'ishoramari.
Uyu mukino wa UEFA Super Cup warangiye PSG itsinze Aston Villa ibitego 2-1, ihita yegukana iki gikombe ku nshuro ya kabiri yikurikiranya. ibitego bya PSG byatinzwe na Khvicha Kvaratskhelia na Desire Doue, mu gihe Brian Madjo w'imyaka 17 ari we watsindiye Aston Villa igitego kimwe rukumbi iyi kipe yatsinze, anandika amateka yo kuba umukinnyi muto utsinze muri iri rushanwa.
Binyuze muri gahunda ya Visit Rwanda, izina ry'u Rwanda rikomeje kugaragara mu marushanwa arebwa n'abafana ba ruhago babarirwa muri za miliyoni ku isi yose, ibintu bifatwank'inyungu ikomeye mu kumenyekanisha igihugu no guteza ubukungu bushingiye ku bukerarugendo na siporo.
Niyobugingo Jonathan
2 months agoGood my lovely friend